Ауа райы
Астана -5 °С
Алматы 4 °С
валюта бағамы
USD 378.60
EUR 417.75
RUB 6.13
CNY 54.58

Қарағанды облысында жеделсатылар жөнделеді

2019 жылдың 28 қазан 2019 21:56

ҚАРАҒАНДЫ. ҚазАқпарат - Алдағы екі жылда өңірдегі барлық жұмыс істемейтін және апаттық жағдайдағы жеделсатылар жөнделуі тиіс. Қарағанды облысының әкімі Жеңіс Қасымбек аппараттық жиында осындай тапсырма берді, деп хабарлайды ҚазАқпарат тілшісі.

«Облыстағы көпқабатты үйлерде 1 341 лифт орнатылған. Олардың көбісінің жұмыс істеп тұрғанына 25 жылдан асқан, яғни нормативтік мерзімі өтіп кеткен. Облыста 361 жеделсаты жұмыс істемейді – бұл тым көп. ТКШ модернизациялау бағдарламасына сай, 2011 жылдан бастап бүгінге дейін 102 жеделсаты орнатылды, бірақ олардың кейбірі жұмыс істемейді. Осы мәселені шешу керек», - деді аймақ басшысы.

Ол ТКШ модернизациялау және дамытудың қазақстандық орталығымен келісімге келгенін мәлім етті. Компания қайтарымды негізде екі миллиард теңге бөлуге дайын.

Жеңіс Қасымбек әкімдерге азаматтармен кездесуді және бірінші кезекте жөндеу мен ауыстыруды қажет ететін жеделсатысы бар үйлер тізімін жасауды тапсырды.

2020 және 2021 жылдары өңірде барлығы 186 жаңа жеделсаты орнату жоспарлануда. Олардың 84-і Қарағандыда, 86-сы Теміртауда, үшеуі Балқашта және төртеуі Жезқазғанда. Сондай-ақ жаңа жеделсатылар Саранда, Сәтбаевта, Абайда және облыстың басқа да қалаларында пайда болады.

Жоғары қарай