Ауа райы
Астана -5 °С
Алматы 3 °С
валюта бағамы
USD 435.54
EUR 473.08
RUB 5.76
CNY 61.64

Қар күреуге шамасы жоқ мұқтаж жандар болса, мекенжайын айтыңыздар, көмектесеміз - Көлгінов

2020 жылдың 15 ақпан 2020 01:10

НҰР-СҰЛТАН. ҚазАқпарат - Нұр-Сұлтан қаласының әкімі Алтай Көлгінов қар тазалау жұмысы қалай жүріп жатқанын айтты, деп хабарлайды ҚазАқпарат.

Шаһар басшысының Facebook парақшасындағы жазбасына сенсек, қазір қаладағы әрбір ауданда жеке секторды қардан тазарту жұмыстары күндіз-түні жүріп жатыр.

«Тұрғындар, ұйымдар ауласындағы қарды көше бойына шығарып қойса, біздің коммуналдық шаруашылық қызмет техникалары алып кетеді. Қазір ардагерлердің, қарттардың ауласын тазартуға волонтерлер көмектесуде. Оларға алғыс айтамыз. Егер қар шығару бойынша көмекке мұқтаж азаматтар болса, нақты мекенжайын көрсетулеріңізді сұраймыз», - деп жазды Алтай Көлгінов.

Ол Байқоңыр ауданындағы бір көшеде түн жарымында атқарылып жатқан жұмыстың суреті мен видеосын оқырман назарына ұсынды.


Жоғары қарай