Ауа райы
Нұр-Сұлтан 10 °С
Алматы 11 °С
валюта бағамы
USD 378.56
EUR 424.44
RUB 5.91
CNY 56.36

Қаламқастағы апат: Жедел штаб құрылды

2019 жылдың 25 наурыз 2019 16:19 1139

 НҰР-СҰЛТАН. ҚазАқпарат - Қаламқас мұнай кен орнында ұңғымадан шыққан газдың жануына байланысты жедел штаб құрылды. Бұл жайында ҚР ІІМ Төтенше жағдайлар комитетінің ресми өкілі Нұрсұлтан Нұрахмет айтты, деп хабарлайды ҚазАқпарат тілшісі.

«Төтенше жағдай орнында Маңғыстау облыстық төтенше жағдайлар департаментінің бастығы Қ.Базарбаевтың басшылығымен жедел штаб құрылды. Өртті сөндіруге Маңғыстау облыстық ТЖД жеке құрамының 25 маманы мен 7 өрт сөндіру техникасы жұмылдырылған», - деді Н.Нұрахмет.

Бұған дейін «МаңғыстауМұнайГаз» АҚ-тың «Қаламқас» мұнай кен орнындағы ұңғымалардың бірінен шыққан газ жанып, биіктігі 10 метрге дейін жететін жалын атқылап тұрғанын хабарлаған болатынбыз.

Айта кетейік, «Қаламқас» мұнай-газ кен орнында «Си Бу» инженерлік бұрғылау компаниясы» ЖШС жобалық тереңдігі 903 метрлік №8237 ұңғымасын бұрғылау барысында газ-су қоспасы атқылап, төтенше жағдай орын алған еді. 

 

 

Жоғары қарай