Ауа райы
Астана 33 °С
Алматы 29 °С
валюта бағамы
USD 414.46
EUR 451.35
RUB 5.77
CNY 58.12

iKOMEK операторлар санын екі есеге дейін көбейтті

2020 жылдың 30 наурыз 2020 09:10

НҰР-СҰЛТАН. ҚазАқпарат - Төтенше жағдай жариялануына байланысты iKOMEK109 қызметі тұрғындармен қала тіршілігін қамтамасыз етудегі барлық сұрақтар бойынша өзара қарым-қатынас орнатудың, сондай-ақ коронавирус инфекциясы (КВИ) мен карантин мәселелері бойынша бірыңғай жедел желі ретінде жарияланды, деп хабарлайды елорда әкімдігінің ресми сайты.

«ТЖ кезінде біз операторлар санын көбейттік. Осылайша, ауысымына әдеттегідей 30 емес, 53 адам жұмыс істейді. Біз, сондай-ақ, байланыс арнасын кеңейттік. Енді күту режиміне 120 тұрғынға дейін ала аламыз»,- деді iKOMEK қалалық орталығының жетекшісі Жаннат Дубирова.




Күн сайын iKOMEK орталығына 7 мыңнан 29 мыңға дейін өтініш келіп түседі.

«ТЖ жарияланғандықтан және бірыңғай байланыс орталығының жұмысына үлкен салмақ түскендіктен барлық тұрғындарды арнайы азаматтарға ыңғайлы болу үшін әзірленген цифрлық сервистерді пайдалануға шақырамыз. Оның қатарында, iKOMEK мобильді қосымшасы, әкімдік сайтында өтініш беруге арналған үлкен қызғылт сары батырма, iKOMEK телеграмм-боты және Smart Astana мобильді қосымшасы бар. Бірінші қоңырау шалғанда оператор жауап бере алмайтын сұрақтар тіркеліп, КВИ таралуын алдын алу жөніндегі жедел штабқа жолданады», - деп түсіндірді Ж. Дубирова.


Жоғары қарай