Ауа райы
Астана -4 °С
Алматы -5 °С
валюта бағамы
USD 377.29
EUR 418.41
RUB 6.09
CNY 54.66

GGG мен Деревянченко жекпе-жек алдында салмақ  өлшеу рәсіміне қатысты

2019 жылдың 5 қазан 2019 09:00

НҰР-СҰЛТАН. ҚазАқпарат – Қазақстандық былғары қолғап шебері Геннадий Головкин (39-1-1, 35 КО) мен украиналық боксшы Сергей Деревянченко (13-1, 10 КО) жекпе-жек алдындағы салмақ өлшеу рәсіміне қатысып, көз арбасты, деп хабарлайды Sports.kz.

Головкиннің салмағы 159,2 фунт (72,21 килограмм) болды. Ал Деревянченко 159 фунт (72,12 килограмм) тартты. Орта салмақтың шекті көрсеткіші — 160 фунт, яғни 72,574 килограмм.




Қос боксшы бұл кездесуде орта салмақта IBF және IBO нұсқалары бойынша әлем чемпионы белдігін сарапқа салады.

Жекпе-жек ертең АҚШ-тың Нью-Йорк қаласында әйгілі «Madison Square Garden» аренасында өтеді.

Сондай-ақ, аталмыш бокс кешінде тағы бір қазақстандық боксшы — Әли Ахмедов (15-0, 11 КО) америкалық Эндрю Эрнандеспен (20-7-2, 7 КО) қолғап түйістіреді. Ол да салмақ өлшеу рәсімінен өтіп, қарсыласымен көз арбасты.




Жекпе-жектерді «Qazaqstan» және «Qazsport» арналары тікелей эфирде ұсынады. Трансляция Нұр-Сұлтан уақыты бойынша 6 қазан күні 05:00-ден басталады.

Перевод Ербол Жанат
Басты сөздер: Бокс, Геннадий Головкин, Спорт,
Жоғары қарай