Ауа райы
Астана 7 °С
Алматы 29 °С
валюта бағамы
USD 399.51
EUR 447.33
RUB 5.78
CNY 56.10

Германиядағы атыстан 8 адам мерт болып, 5 адам жарақаттанды

2020 жылдың 20 ақпан 2020 09:10

ХАНАУ. ҚазАқпарат – Батыс Германия полицейлері Ханау қаласында 8 адамды атып кеткен қылмыскерлерді іздестіруді бастады, деп хабарлайды ҚазАқпарат Deutsche Wellеге сілтеме жасап.

Жергілікті полиция өкілдерінің хабарлауынша, Германияның Ханау қаласында сәрсенбі күні кешке екі жерде болған атыс салдарынан 8 адам мерт болып, тағы 5 адам жарақат алды. Қайғылы оқиға 19 ақпан күні кешкі сағат 10:00-дер шамасында қаланың әртүрлі бөлігінде орналасқан екі кальян барында болған.

Қылмыскерлер қаланың ортасындағы бірінші барда атыс қаруынан үш адамды өлтірді. Содан кейін Кессельштадт ауданындағы екінші кальян барына барып, бес адамның өмірін қиды.

Билік өкілдері ауданды толығымен қоршауға алды, полиция оларды іздестіріп жатыр. Оқиғаның себебі түсініксіз, полиция азаматтарды оқиғаға қатысты қандай бір мәлімет болса – құқық қорғау органдарымен байланысуға шақырды.

Айта кетсек, Ханау – 100 000 тұрғыны бар Гессен жеріндегі қала. Ол Франкфурттың шығысына қарай 25 шақырым жерде орналасқан.


Жоғары қарай