Ауа райы
Астана -6 °С
Алматы -2 °С
валюта бағамы
USD 387.14
EUR 428.18
RUB 6.06
CNY 55.23

Ерлан Қарин Ұлттық кеңес туралы Youtube-канал ашты

2019 жылдың 19 қазан 2019 16:00

НҰР-СҰЛТАН. ҚазАқпарат - ҚР Президентінің кеңесшісі Ерлан Қарин Ұлттық кеңестің жұмысы туралы ақпарат беріп отыратын Youtube-канал ашты, деп хабарлайды ҚазАқпарат.

Каналдың алғашқы бағдарламасында Ерлан Қарин «Ұлттық кеңес қалай және қашан құрылды? Оның құрамы қалай анықталды? Ұлттық кеңестің маңызы неде?» деген сияқты сұрақтарға толыққанды жауап береді.

«Бірқатар әлеуметтік желілерден Ұлттық кеңестің күнделікті жұмысы туралы әңгімелейтін парақшалар ашылған. Дегенмен бізге әлі де көп сұрақтар қойылып жатыр. Мысалы «Ұлттық кеңес мүшелеріне жалақы төлене ме?» деген сұрақ қойылды. Және «ол Парламенттің жұмысын қайталамай ма?» деген мәселе де желіде қызу талқыланды. Сондықтан біз Ұлттық кеңестің жұмысы, қазіргі бағыты туралы жан-жақты мәлімет беруді жөн көрдік», - дейді Ерлан Қарин.

Жоғары қарай