Ауа райы
Астана -3 °С
Алматы 0 °С
валюта бағамы
USD 384.97
EUR 427.12
RUB 6.04
CNY 54.75

Елорданың сусыз қалған үйлеріне 70 мың литр ауыз су жеткізілді

2019 жылдың 17 қараша 2019 22:37

НҰР-СҰЛТАН. ҚазАқпарат – Елордада су жүйесін қалпына келтіру үшін 2 бригада жұмыс істеді, деп хабарлайды ҚазАқпарат.

«Жұмыс таңғы сағат 6-дан бастап жүріп жатыр. Қазіргі уақытта қиындықтар бар, себебі түске қарай тағы басқа жерден дәнекерленген бөлігі ажырап кетті. Су жүйесін қалпына келтіру үшін құрамында 12 адамнан тұратын 2 бригада жұмыс істеуде. Сонымен қатар, оқиға орнында мекеме басшылығымен қатар, әкімдік өкілдері қадағалауда», - деп хабарлайды «Астана Су Арнасы».

Мекеме берген мәліметке сүйенсек, бүгінде тұрғын үйлерге арнайы көлікпен су жеткізілуде.

«Су тасып жүрген көліктерді көп адам көрмей қалуы мүмкін. Себебі, су тасымалдайтын көліктер суды толтырып алу үшін ары-бері жиі қатынайды. Ауыз су толтырып алатын станция Тілендиев пен Күйші Дина көшелерінің қиылысында орналасқан. Осыған дейін жалпы көлемі 70 мың литр су тартылды. Тұрғындардан түсіністікпен қарауын сұраймыз», - делінген хабарламада.

Автор Дәулет Ізтілеу
Басты сөздер: Оқиға, Нұр-Сұлтан,
Жоғары қарай