Ауа райы
Астана 7 °С
Алматы 8 °С
валюта бағамы
USD 443.50
EUR 479.47
RUB 5.79
CNY 62.51

Елорда тұрғындарына жұмыс күші тапшы аймақтардан бос жұмыс орындары ұсынылуда

2020 жылдың 20 ақпан 2020 09:43

НҰР-СҰЛТАН. ҚазАқпарат – Елордадағы «Жанұя» отбасы институтын қолдау орталығында азаматтардың ерікті түрде қоныс аударуы бойынша бос жұмыс орындарының жәрмеңкесі өтеді, деп хабарлайды қалалық әкімдіктің баспасөз қызметі.

Шара 20, 21 ақпан күндері сағат 10.00-ден 18.00-ге дейінгі аралықта өтпек.

Жәрмеңке мақсаты – нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасын іске асыру аясында еліміздің жұмыс күші тапшы аймақтарын еңбек қабілетті қызметкерлермен қамтамасыз ету. Жәрмеңкеге Солтүстік Қазақстан, Шығыс Қазақстан, Қостанай, Павлодар, Қарағанды және Ақмола облысының өкілдері қатысады.

Жыл басынан бері Нұр-Сұлтан қаласының Халықты жұмыспен қамту орталығына 1 659 адам жүгінді. Барлығы 1 266 адам жұмысқа орналастырылды. Оның ішінде тұрақты жұмыс орындарына 373 жұмыссыз шықса, белсенді қолдау шараларымен 893 адам қамтылды.


Жоғары қарай