Ауа райы
Астана -2 °С
Алматы -2 °С
валюта бағамы
USD 384.97
EUR 427.12
RUB 6.04
CNY 54.75

Елорда құрылысшылары Арыста 150-ге жуық жеке тұрғын үйді қайта салуда

2019 жылдың 14 тамыз 2019 17:51

НҰР-СҰЛТАН. ҚазАқпарат – Арыстағы жаңа тұрғын салу мен қираған үйлерді қалпына келтіруде 1 мыңға жуық астаналық еңбектенуде, деп хабарлайды ҚазАқпарат.




«Осыдан бір апта бұрын көппәтерлі тұрғын үйдің құрылысы басталды. Біздің секторда үш көпқабатты тұрғын үй салынып жатыр. Сондай-ақ, техникалық тексеріске сәйкес қалпына келтіруге жарамсыз деп танылған және жаңа құрылыстың қажеттілігі туралы шешім қабылданған үйлердің орнына 150-ге жуық жаңа жеке тұрғын үй салып жатырмыз. Жалпы бізге тиесілі 9 сектор аумағында 1500 тұрғын үй-жай бар. Оның 650-і жеке тұрғын үй және 57-і көппәтерлі тұрғын үй. Үйлері сүрілген арыстық тұрғындар уақытша басқа жерге қоныстанды. Жаңадан салынып жатқан үйлерден бөлек 450-480 үйге күрделі және ағымдағы жөндеу жұмыстары жалғасуда», - деді Нұр-Сұлтан қаласы әкімінің орынбасары Нұрлан Нүркенов Elorda Aqparat-қа берген сұхбатында.




Оның айтуынша, жеке және көп пәтерлі тұрғын үйлердің ағымдық және күрделі жөндеу жұмыстарын 25 тамызға дейін аяқтау жоспарлануда.




«Бізге тиесілі секторда шамамен 10 мың адам тұрады. Бұл – Арыс қаласының жалпы халқының 5/1 бөлігін, ал қаладағы жалпы тұрғын үй қорының 18 пайызын құрайды. Әрине, жаңа тұрғын үй салу үшін біраз уақыт қажет, технологияға байланысты мәселелер де бар. Дегенмен жұмыс уақтылы, тиісті нормалар мен құрылыс технологиясының талаптарына сәйкес жүріп жатыр», - деді ол.




Әкім орынбасарының мәлімдеуінше, Арыстағы үйлерді қалпына келтіру жұмыстарына 30-дан астам елордалық мердігер ұйым мен 1 мыңға жуық жұмысшы тартылған.





Перевод Дәулет Ізтілеу
Басты сөздер: Арыс, Құрылыс, Нұр-Сұлтан,
Жоғары қарай