Ауа райы
Астана -20 °С
Алматы -6 °С
валюта бағамы
USD 380.84
EUR 419.50
RUB 6.05
CNY 54.90

Еліміздің бірқатар өңірінде ауа райына қатысты ескерту жарияланды

2019 жылдың 13 желтоқсан 2019 17:35

НҰР-СҰЛТАН. ҚазАқпарат – Еліміздің бірқатар өңірінде ауа райына қатысты ескерту жарияланды, деп хабарлайды ҚазАқпарат Қазгидрометке сілтеме жасап.

14 желтоқсанда Ақмола облысының кей жерлерінде көктайғақ, бұрқасын болуы ықтимал. Солтүстік-батыстан соғатын жел солтүстік-шығысқа ауысады, түнде кей жерлерде күші 15-20 м/с.

14 желтоқсанда Қызылорда облысының кей жерлерінде көктайғақ, 14-16 желтоқсанда кей жерлерде тұман түседі.

14 желтоқсанда түнде және таңертең Түркістан облысының тауында қатты жауын-шашын (жаңбыр, қар) күтіледі. Кей жерлерде тұман, көктайғақ, бұрқасын, солтүстік-батыстан соғатын желдің жылдаимдығы 15-20 м/с жетеді.

Шымкент қаласында 14 желтоқсанда кей уақытта тұман, түнде солтүстік-батыстан 15-20 м/с желдің күшеюі күтіледі. Ал Түркістанда түнде және таңертең тұман түседі, түнде солтүстік-батыстан соққан желдің жылдамдығы 15-20 м/с жетеді.

14 желтоқсанда Шығыс Қазақстан облысында қар жауады. Кей жерлерде бұрқасын болып, тұман түседі, көктайғақ. Оңтүстік-шығыстан cоққан жел солтүстік-батысқа ауысады, күші кей жерлерде 15-20 м/с жетеді.

Басты сөздер: Ауа райы, Қазгидромет, Аймақ,
Жоғары қарай