Ауа райы
Астана -1 °С
Алматы 2 °С
валюта бағамы
USD 377.62
EUR 426.03
RUB 5.67
CNY 55.78

Еліміздегі ең жас көпбалалы ана Шымкентте тұрады

2019 жылдың 17 қаңтар 2019 14:28 9261

ШЫМКЕНТ. ҚазАқпарат - Шымкентте небәрі 26 жасында көпбалалы ана атанған келіншек тұрады. Жазира Тұрғынованың бұл күнде жеті бірдей перзенті бар, деп хабарлайды ҚазАқпарат тілшісі.

Түркістан облысы, Төле би ауданының тумасы Олжас Әбілдәбеков пен Жазира Тұрғынова 2007 жылы жанұя құрған. Содан бері жас отбасының жеті перзенті өмірге келді. Бұл күнде 4 ұл мен 3 қыз тәрбиелеп отырған ерлі-зайыптының тұңғыштары 11 жасқа толып отыр. Ал, сүт кенжелері сегіз айлық. Жас аралықтары 1 жас бір айдан басталады.

null 

«Мектепті бітіре салысымен тұрмысқа шығып, Төле би ауданына қарасты Ұзынарық ауылына келін болып түстім. Сол ауылда 11 жыл бойы тұрдық. Ауылды жер болған соң күйеуіме ол жақта жұмыс болмады. Күйеуіме жұмыс табылар деген ниетпен Шымкенттің маңындағы Жұлдыз елді мекеніне көшіп келдік. Қазір пәтер жалдап тұрып жатырмыз»,- дейді Жазира Тұрғынова.

Көпбалалы ананың сөзінше қазір отбасының тұрмыстық жағдайы көңіл көншітпейді. Отағасы әлі күнге жұмыс таппаған. Тек уақытша жұмысқа жалданып, жанұясын асырауда. Көңілге медеу болатыны тек мемлекеттен балаларға берілетін жәрдемақы ғана. 

«Өзім болсам жеті баланы қарап, үйде отырмын. Себебі, олардың тамағы, мектепке баратыны бар. Қазірдің өзінде 4-еуі мектепке барады. Оларды апарып, алып келу керек дегендей. Үш перзентім әлі кішкентай. Күнделікті тамақ пен киім-кешектеріне қаражатымыз жетпей қалып жатады. Кейде қарыз болып қаламыз.  Күйеуімнің күнделікті тапқан азын-аулақ ақшасын жеткізуге тырысамын. Ара-арасында туыстарымыз бен көршілеріміз қарасып тұрады. Балаларым тамақты тойып ішпесе де амалдауға мәжбүрміз. Енді кішкентайым бір жасқа толса, ондай жағдайымыз қалай болатынын білмедім. Себебі оған төленетін жәрдемақы қазір жанұямыздың негізгі қаражаты»,-дейді Жазира Тұрғынова

null 

Ал, жеті баланың әкесі Олжас Әбілдәбековтың айтуынша, пәтер алуға кезекке тұру жоспарда бар. Бірақ әзірге құжат тапсырмаған. Дегенмен ерлі-зайыптылар жас болғандарына қарамастан жеті перзентінің барына шүкіршілік етеді. Бала-шаға өсіру оңай емес екенін біле тұра осыларды жетілдіріп, үлкен азамат етсек деген армандары бар. 



null 

null 

null 

 

Жоғары қарай