Ауа райы
Нұр-Сұлтан 18 °С
Алматы 19 °С
валюта бағамы
USD 378.38
EUR 431.05
RUB 6.02
CNY 55.00

Елбасының әлем қауымдастығы үшін сіңірген еңбегін әрқашан құрметтейміз - Қасым-Жомарт Тоқаев

2019 жылдың 12 маусым 2019 11:44 1293

НҰР-СҰЛТАН. ҚазАқпарат - Нұрсұлтан Әбішұлы Назарбаев бүкіл әлем мойындаған даму моделін жасады. Бұл туралы Тәуелсіздік сарайындағы ұлықтау рәсімінде Қазақстан Президенті Қасым-Жомарт Тоқаев мәлім етті, деп хабарлайды ҚазАқпарат тілшісі.

«Ақиқатын айтуымыз керек, бұл сайлауда біздің азаматтарымыз Елбасының стратегиялық бағдарын қолдап, дауыс берді! Нұрсұлтан Әбішұлы Назарбаев бүкіл әлем мойындаған даму моделін жасады. Қазақстанның Көк Туын дүниежүзінің түпкір-түпкірінде желбіретті. Осы күндері менің атыма азаматтарымыздан көптеген өтініш-тілектер келіп түсуде. Олардың бәріне ортақ бір ғана тілек бар: Елбасымыздың жолын, Стратегиясын сақтау және оны одан әрі нығайту. Шын мәнінде халықтың дәл осындай өтініш-тілек айтуы заңды әрі орынды. Себебі қазіргі дамыған Қазақстан  - бұл, ең алдымен, Елбасының арқасы», - деді Қ. Тоқаев.

Осы орайда Қасым-Жомарт Кемелұлы Елбасы жаһандық деңгейдегі мемлекет қайраткері екенін атап өтті.

«Әлем тарихына дәл осылай жазылды. Елбасының халқымыз үшін және әлем қауымдастығы үшін сіңірген орасан зор еңбегін әрқашан құрметтеу - бәрімізге ортақ парыз» , - деді Президент.

 

 

Жоғары қарай