Ауа райы
Астана -11 °С
Алматы -6 °С
валюта бағамы
USD 371.56
EUR 422.43
RUB 5.56
CNY 53.51

Екібастұзда балабақшадан қашып кеткен 4 жасар қызды полицейлер тауып алды

2018 жылдың 8 қараша 2018 09:08 493

ЕКІБАСТҰЗ. ҚазАқпарат - Екібастұз қаласында №22 балабақшадағы күндізгі серуен кезінде төрт жасар қыз бала белгісіз бағытта кетіп қалған, деп хабарлайды ҚазАқпарат pavlodarnews.kz агенттігіне сілтеме жасап.

Бұл туралы Instagram-дағы @poleznyi_ekibastuzets парақшасында хабарланды. Қалалық білім бөлімінің басшысы Жазира Хамзабаеваның айтуынша, сағат 11:45-те орта топтың балалары серуеннен оралып, түскі ас уақыты басталған. Осы кезде ауысымдағы тәрбиешілер ауысып, түстен кейін жұмыс істейтін қызметкер келген.

«Бірінші ауысымда жұмыс істеген Айтжан Шаймерденова әріптесіне жоғалып кеткен бала туралы хабарламай, үйіне кетіп қалған», - деді қалалық білім бөлімінің басшысы.

Күндізгі сағат 12:00 шамасында «Уақ» дүкенінің жанында жалғыз өзі жүрген кішкентай қыз полицейлер назарына түсіп, тәртіп сақшылары оны полиция бөліміне әкелген. Баланы тауып алғандары жөнінде полицейлер білім бөліміне хабарлаған.

«Біз баланы қаладағы балабақшалар тізімінен іздестірдік», - деді Жазира Хамзабаева.  

Соңында «Балбөбек» балабақшасының жетекшісі мен әжесі келіп, қыз баланы алып кетті. Балабақшаның басшысы Лейла Оразбаева мен тәрбиеші Айтжан Шаймерденова жұмыстан босатылып, мекеме білім бөлімінің қатаң бақылауына алынды.

Еске салайық, бір ай бұрын алты жастағы бүлдіршін балалар үйіндегі жануарын көру үшін павлодарлық №27 балабақшадан қашып кеткен болатын.

 

 

Басты сөздер: Оқиға, Павлодар облысы, Білім,
Жоғары қарай