Ауа райы
Астана 16 °С
Алматы 11 °С
валюта бағамы
USD 386.82
EUR 428.67
RUB 5.86
CNY 54.95

Джип аударылып, 2 адам мерт болды, 12-сі зардап шекті

2019 жылдың 19 шілде 2019 21:35 365

НҰР-СҰЛТАН. ҚазАқпарат – Непалдың батысында Баджура ауданында жол талғамайтын көлік биіктіктен құлап, салдарынан 12 адам зардап шекті және екі адам мерт болды, деп хабарлайды Himalayan Times газеті.

Баджура полициясының басшысы орынбасарының айтуынша, жол талғамайтын көлік жоғары өрлеген жолмен көтерілген сәтінде аударылып, 50 метрлік биіктіктен құлаған. Полицияның хабарлауынша, 6 адамға арналған көлікте 16 жолаушы болған. Екі адам аман қалған.

Жол апаты көлікте шамадан тыс жолаушылардың көптігінен, сондай-ақ қара жолдың нашар болуы салдарынан орын алған.

Жергілікті билік құтқару операциясын жүргізді. Кейбір жолаушыларды Колти елді мекеніндегі медициналық орталыққа, ал қалғандарын әуе жолымен Непалдың оңтүстік-батысында Непалгандж қаласындағы ауруханаға жеткізген. Сондай-ақ, ауыр халдегі төрт адамды әуе көлігімен ел астанасы Катмандағы ауруханалардың біріне алып барған.

Басты сөздер: Оқиға, Әлем,
Жоғары қарай