Ауа райы
Астана -4 °С
Алматы -5 °С
валюта бағамы
USD 376.30
EUR 425.22
RUB 5.68
CNY 55.63

Допты хоккей: «Ақжайық» Орынбордың «Локомотивін» тас-талқан етіп ұтты

2019 жылдың 18 қаңтар 2019 17:17 409

ОРАЛ. ҚазАқпарат - Допты хоккейден жоғары лига командалары арасында бүкілресейлік жарыста Оралдың «Ақжайығы» Орынбордың «Локомотивін» қабылдады, деп хабарлайды ҚазАқпарат тілшісі.

«Жастар» стадионында өткен кездесуде оралдықтар қарсыласына еш мүмкіндік қалдырмады.

Николай Шавалдиннің шәкірттері бірінші таймда 3:1 есебімен басымдылық танытса, ойынның екінші кезеңінде қарқынын одан сайын үдетіп, жауапсыз сегіз доп соқты. Қорытынды есеп - 11:1.

«Ақжайық» хоккейшілерінен, әсіресе, ресейлік легионер Максим Пахомов төрт голдың авторы атанып, ерекше көзге түсті.

Осы ойыннан кейін 15 ұпай жинаған батысқазақстандық клуб екінші топта бесінші орында келеді.

Қос команда ертең екінші кездесуін өткізеді.

Еске сала кетейік, бұдан бұрын Швецияның Венерсборг қаласында өтетін әлем чемпионатына баратын Қазақстан құрамасының негізін «Ақжайық» ойыншылары құрайтынын жазған болатынбыз.

 

 

Автор: Елжан Ералы
Басты сөздер: Қоғам, Спорт,
Жоғары қарай