Ауа райы
Астана 5 °С
Алматы 18 °С
валюта бағамы
USD 389.81
EUR 430.27
RUB 6.06
CNY 54.91

Дариға Назарбаева елордадағы Оқушылар сарайында дауыс берді

2019 жылдың 9 маусым 2019 09:57

НҰР-СҰЛТАН. ҚазАқпарат - ҚР Парламенті Сенатының төрағасы Дариға Назарбаева ҚР Президенті сайлауында дауыс берді, деп хабарлайды ҚазАқпарат тілшісі.

Сенат спикері дауыс беру үшін елордадағы Оқушылар сарайында орналасқан № 58-ші сайлау учаскесіне келді. Дауыс беру рәсімінен кейін Д. Назарбаева Сербиядан келген халықаралық байқаушы Драгомир Каричпен пікір алмасты.

Айта кетейік, бұл учаскеде 3 417 сайлаушы тіркелген. Сағат 07:00-ден бастап бұл жерде дауыс берушілердің белсендігін байқауға болады.

Осы сайлау учаскесінің төрайымы Қымбат Іргебаеваның сөзіне қарағанда, таңертеңнен бері байқаушылар тарапынан ескертулер болмады.

Еске сала кетсек, бүгін Қазақстан Президентін кезектен тыс сайлау басталды.

ҚР Президентінің кезектен тыс сайлауында ел ішінде және шет елдерде 9 968 дауыс беру учаскесі жұмыс істеуде. Сайлау туралы Конституциялық заңға сәйкес, дауыс беру уақыты стандартты (сағат 7:00-20:00 аралығы) болады. Батыс Қазақстан, Ақтөбе, Атырау, Маңғыстау, Қызылорда облыстарында уақыт айырмашылығына байланысты сайлау учаскелері жергілікті уақыт бойынша сағат 07:00-де - Нұр-Сұлтан уақыты бойынша сағат 08:00-де ашылды.




null

Автор Руслан Ғаббасов
Басты сөздер: Сайлау 2019, Сенат,
Жоғары қарай