Ауа райы
Нұр-Сұлтан 25 °С
Алматы 25 °С
валюта бағамы
USD 378.83
EUR 430.99
RUB 6.04
CNY 55.05

БҚО-да жоғалып кеткен тұрғын бір күннен кейін табылды

2019 жылдың 7 сәуір 2019 17:08 1273

ОРАЛ. ҚазАқпарат - Батыс Қазақстан облысында мал іздеуге шыққан тағы бір тұрғын адасып кетті, деп хабарлайды ҚазАқпарат тілшісі.

БҚО ТЖ департаментінің баспасөз қызметінен түскен мәліметке қарағанда, оқиға кеше Жаңақала ауданы Мәштексай ауылдық округінде орын алды.

Ақшағыл қыстағында өз үйінен мал іздеуге сағат 15.00-де шыққан 1997 жылғы жігіт содан оралмаған.

Бүгін таңертең сағат 8.15-тен бастап ТЖ қызметкерлері (3 адам, 1 техника) бір полицеймен, жергілікті атқарушы органдар (4 қызметкер, 2 техника) және тұрғындармен (16 адам, 4 техника) бірлесіп, іздестіру жұмыстарын жүргізді.

Соның нәтижесінде жоғалып кеткен жігіт сағат 13.00-де Жұбан қыстағынан аман-есен табылды.

Еске сала кетейік, бұдан бұрын БҚО-да мал іздеуге шыққан тұрғындардың адасып кеткенін жазған болатынбыз.  

 

 

Жоғары қарай