Ауа райы
Астана 9 °С
Алматы 13 °С
валюта бағамы
USD 389.62
EUR 429.98
RUB 6.06
CNY 55.08

Біз астаналықтар болып қала береміз - Бақыт Сұлтанов

2019 жылдың 21 наурыз 2019 15:42

АСТАНА. ҚазАқпарат - Біз - елорданың барша тұрғындары астаналықтар болып қала береміз. Бұл қалыптасқан термин. Астана әкімі Бақыт Сұлтанов әлеуметтік желіде осылай деп мәлімдеді, деп хабарлайды ҚазАқпарат.

«Қазақстанның Тұңғыш Президенті Н.Ә. Назарбаев алдағы 10 жыл елімізді дамыған 30 мемлекеттің қатарына қосудағы шешуші кезең болатынын айтты. Президент Қасым-Жомарт Тоқаев негізгі басымдық - тұрғындардың өмір сүру деңгейін көтеру және әлеуметтік жағдайын жақсарту екенін атап көрсетті. Бүгін біз дамудың жаңа кезеңіне қадам бастық. Отанымыздың елордасы енді заманауи Қазақстанның негізін қалаушының есімімен аталатын болады. Президенттің бастамасымен біздің қала Нұр-Сұлтан деп өзгертілмек. Бұл бастама Ұлы дала елін құру идеясын іске асырғаны, елорда үшін еткен еңбектері үшін Тұңғыш Президентке алғыс білдіріп, құрмет көрсету мақсатында іске асырылуда», - деді әкім.

Одан бөлек Бақыт Сұлтанов елорда тұрғындары өздерін қалай атайтынына да қатысы пікір білдірді.

«Сонымен қатар біз, елорда тұрғындары - астаналықтар болып қала береміз. Бұл қалыптасқан термин. Жаңа дәуірдің бастамасы болған Наурыз мейрамы әр отбасына қуаныш пен гүлдену алып келсін! Сіздерге және жақындарыңызға денсаулық, бақыт және құт-береке тілеймін!» - деді елорда басшысы.

Басты сөздер: Қоғам, Әкім, Нұр-Сұлтан,
Жоғары қарай