Ауа райы
Астана 7 °С
Алматы 12 °С
валюта бағамы
USD 389.94
EUR 433.50
RUB 6.10
CNY 55.13

Биыл 730 шақырым теміржол жөнделеді

2019 жылдың 24 сәуір 2019 22:27

НҰР-СҰЛТАН. ҚазАқпарат - 2019 жылы шамамен 730 км теміржол төсеніші жөнделеді, деп хабарлайды ҚазАқпарат «ҚТЖ» АҚ-ның баспасөз қызметіне сілтеме жасап.

«Қазіргі таңда Қазалы, Бескөл, Жаңарқа және Маңғыстау жол дистанциялары учаскелерінде күрделі жөндеу жүргізілуде. Қарағанды, Шу, Жамбыл және Арыс жол дистанциясы учаскелерінде күшейтілген орташа жол жөндеу жұмыстары жүзеге асырылуда», делінген хабарламада.

Жұмысқа заманауи жол техникалары тартылған.

Бүгінгі таңда шамамен 17 км жол күрделі, ал 9 км астам жол күшейтілген орташа жөндеуден өткізілді. RM шағылтастарды тазартушы машиналарымен 32,775 км көлеміндегі жұмыстар орындалды.

Толықтай алғанда, 2019 жылы 730 км астам жолды сауықтыру, соның ішінде шамамен 400 км күрделі, ал 200 бағыттамалы бұрма жөндеумен қамтылады. Сондай-ақ қолдан жасалған құрылғыларды ағымдағы, ал Семей - Жаңа - Семей учаскесіндегі темір көпірді күрделі жөндеу жоспарлануда.

Басты сөздер: Логистика, ҚТЖ,
Жоғары қарай