Ауа райы
Астана 13 °С
Алматы 17 °С
валюта бағамы
USD 386.34
EUR 427.25
RUB 5.88
CNY 54.57

Білім министрі студенттер шәкіртақысы қаншаға өсетінін айтты

2019 жылдың 28 маусым 2019 17:46 1212

 НҰР-СҰЛТАН. ҚазАқпарат - Білім және ғылым министрі Асхат Аймағамбетов жұмысшы мамандығын алып жатқан студенттердің шәкіртақысы қандай сомаға өсетінін айтты, деп хабарлайды ҚазАқпарат тілшісі.

«Президенттің тапсырмасы бойынша жұмысшы мамандығы бойынша білім алып жатқан студенттер үшін шәкіртақы 30 пайызға артады. Оның көлемі 21 787 теңгегеге жетеді (бұған дейін 16 759 теңге болды)», - деді министр халықпен есеп беру кездесуінде.

Осы орайда, А. Аймағамбетов студенттер шәкіртақысын көтеру жұмысшы мамандықтардың тартымдылығын арттыруға оңтайлы нәтиже беретінін атып өтті.

Бұдан бұрын хабарланғандай, Мемлекет басшысы Қасым-Жомарт Тоқаев жұмысшы мамандығын алып жатқан студенттердің шәкіртақысы артатынын мәлім етті. 

«1 қыркүйектен 122,5 мың адамды қамтитын техникалық және кәсіптік білімнің жұмысшы мамандығы бойынша оқып жатқан студенттердің шәкіртақысы 30  пайызға артатын болады. Жоғарыда аталған қауырт шаралар біздің бәрімізді толғандырып отырған әлеуметтік мәселелерді шешуге септігін тигізеріне сенім білдіремін. Әрине, мұның барлығы Елбасының танымал стратегиясында белгілеген мақсаттарға қол жеткізуге оң әсерін тигізетін болады», - деді Қазақстан Президенті. 

 

Жоғары қарай