Ауа райы
Астана 31 °С
Алматы 32 °С
валюта бағамы
USD 383.43
EUR 432.47
RUB 6.12
CNY 55.78

Білім министрі баласы ҰБТ тапсырып жатқан ата-аналарға кеңес берді

2019 жылдың 20 маусым 2019 09:40 1779

НҰР-СҰЛТАН. ҚазАқпарат - ҚР Білім және ғылым министрі Асхат Аймағанбетов баласы Ұлттық бірыңғай тест тапсырып жатқан ата-аналарға кеңес берді, деп хабарлайды ҚазАқпарат тілшісі.

«Жалпы барлық ата-ана қобалжиды. Қазақта «баласы атқа мінсе, анасы үйде тақымын қысады» деген жақсы сөз бар. Сондықтан аналары, ата-аналары тақымдарын қысып, өз балаларына қобалжу күйде отырады. Бірақ, біздің ата-аналарға айтарымыз, емтихан дұрыс  өтетін болады. Сабырлық сақтап, балаларына сеніп, оларға ұрыспай жақсылап жағдай жасау керек. Өйткені, ата-аналардың өздері қобалжып тұрса, ол балаларына да беріледі. Асықпай, сабырлық сақтап шығарып салып, қарсы алған жөн», - деді министр бүгін Л.Гумилев атындағы ЕҰУ-де ҰБТ тапсырып жатқан түлектерге сәттілік тілегеннен кейін.

Сонымен қатар ол биылғы жылы тест сұрақтары 30 пайызға жаңартылғанын айтты.

«Ең басты мәселе  тест сұрақтарын жай ғана жаңартуда емес.  Тестте «Қай жылы туды?, нешеу бар?» деген сияқты жаттанды дүниелерді сұрамауымыз керек. Ең бастысы - функционалды сауаттылық,  баланың логикалық ойлауы, алған білімін пайдалана білуі. Сондықтан біз тест сұрақтарын осындай тұрғыда біртіндеп өзгертудеміз», - деді ол.


null 

 

 

 

 

 

 

 

 

Жоғары қарай