Ауа райы
Астана 16 °С
Алматы 24 °С
валюта бағамы
USD 384.87
EUR 432.52
RUB 6.11
CNY 55.95

Бердібек Сапарбаев: Атаулы көмектің орташа мөлшері 105 мың теңгені құрайды

2019 жылдың 24 маусым 2019 10:32 1196

НҰР-СҰЛТАН. ҚазАқпарат - Атаулы әлеуметтік көмектің орташа мөлшері 105 мың теңгені құрады. Бұл туралы бүгін халықпен есептік кездесу өткізіп жатқан Еңбек және халықты әлеуметтік қорғау министрі Бердібек Сапарбаев айтты, деп хабарлайды ҚазАқпарат тілшісі.

«2019 жылғы 1 сәуірден бастап Елбасының тапсырмасы бойынша АӘК көрсету шарттары өзгерді, оған көмек тағайындау критерийін арттыру, әр балаға ең төменгі күнкөріс деңгейінен 70 пайыз немесе 20 789 теңге көлемінде кепілдік берілген ай сайынғы көмек, отбасының жиынтық табысынан кейбір жәрдемақы түрлерін алып тастау кіреді. Нәтижесінде бүгінгі күні АӘК 277 мыңнан астам отбасыға немесе 1,3 млн астам адамға төленді. Жыл басынан бері 67,7 млрд теңге сомасында АӘК төленді, төлемнің орташа мөлшері 105 мың теңгені құрады», - деді министр.

Оның айтуынша, әкімдіктермен бірлесе отырып, көмектің 11 түрін қамтитын қызметтердің бірыңғай пакеті мен әлеуметтік қолдау шаралары әзірленді. Оның ішінде 1-4 сынып оқушыларын тегін ыстық тамақпен, мектеп формасымен, оқулықтармен және керек-жарақтармен, балалар мен аналарға арналған қоғамдық көлікте жеңілдікті жол жүрумен, балалар лагерлерінде тегін демалумен және тағы басқалармен қамтамасыз ету бар.

Еңбек министрі өз сөзінде, балалы отбасыларды қолдау шараларына назар аударды. Мәселен, ана мен баланы қолдау мақсатында бала тууға, 1 жасқа дейінгі баланы күтуге және жүктілігі мен босануы бойынша әлеуметтік төлемдерге 243 млрд.теңгеден астам қаражат бөлінетін болады. Зейнетақылардың жеткілікті мөлшерін қамтамасыз ету үшін декреттік демалыста жүрген әйелдерге зейнетақы жарналары субсидияланады. Ағымдағы жылы осы мақсаттарға 5,8 млрд теңге көзделген. Қазіргі уақытта Қазақстанда алты және одан да көп баласы бар 237 мыңға жуық көпбалалы ана бар, оларға жәрдемақы төлеуге жыл сайын 45 млрд теңге бөлінеді.

«Сонымен қатар, ҚР Президенті Әкімшілігі басшысының тапсырмасы бойынша біз мүдделі мемлекеттік органдармен, қоғам өкілдерімен, белсенді азаматтармен бірлесе отырып, «Бақытты бала - бақытты ана - бақытты отбасы - бақытты ел» Жол картасының жобасын әзірледік», - деді Б.Сапарбаев.



null 

 

Жоғары қарай