Ауа райы
Астана 1 °С
Алматы 6 °С
валюта бағамы
USD 388.70
EUR 428.70
RUB 6.08
CNY 55.46

Баспаналарын жезөкшелерге жалға берген 30 астаналық жауапқа тартылды

2019 жылдың 19 қазан 2019 01:10

НҰР-СҰЛТАН. ҚазАқпарат – Елордада жыл басынан бері пәтерлерін интимдік қызметтер көрсету үшін жалға беріп келген 30-дан астам адам жауапкершілікке тартылды, деп хабарлайды ҚазАқпарат.

Осы күндері қалада «Учаске» жедел-алдын алу шарасы өткізілуде. Полиция департаментінен мәлім еткендей, оның барысында учаскелік полиция инспекторы Гёте көшесіндегі үйдің бірінде өзінің баспанасын жыныстық қызметтер көрсету үшін жалға беріп келген әйел анықталған.

«Нұр-Сұлтан қаласының Мамандырылған ауданаралық әкімшілік сотының шешімімен 31 жастағы азаматша А. ҚР ӘҚБтК-нің 450-ші бабының 1-бөлігіне сәйкес (Көрінеу жезөкшелікпен айналысуға немесе жеңгетайлық үшін үй-жайларды ұсыну) 100 АЕК (252 500 теңге) көлемінде әкімшілік жауапкершілікке тартылды», - деді ведомстводан.

Департаменттің ақпараты бойынша, елордада жыл басынан бері аталмыш бап бойынша 30-дан астам тұлғаға айыппұл салынған.
Басты сөздер: Нұр-Сұлтан,
Жоғары қарай