Ауа райы
Астана 35 °С
Алматы 34 °С
валюта бағамы
USD 383.43
EUR 432.47
RUB 6.12
CNY 55.78

Ауыр көліктерді бақылау қызметі ІІМ-ге беріле ме - Қасымбек жауап берді

2019 жылдың 17 маусым 2019 13:57 1063

НҰР-СҰЛТАН. ҚазАқпарат - Полицияға автокөлік құралдарының рұқсат етілген салмақтық өлшемдерін сақтауын бақылау қызметі берілмейді. Бұл жайында Мәжіліс депутаттарының ресми сауалына жауап берген ҚР Премьер-Министрінің орынбасары Жеңіс Қасымбек айтты, деп хабарлайды ҚазАқпарат тілшісі. 

«Еліміздің автомобиль жолдарын сақтауды жақсарту мақсатында көлік бақылау инспекциясымен қатар, жол-патрульдік полициясына да Қазақстан Республикасының аумағында автокөлік құралдарының рұқсат етілген салмақтық өлшемдерді сақтауын бақылауды жүзеге асыру функциясын беру мәселесін қарастырған жөн», - делінген Мәжіліс депутаттарының сауалында.

Осыған орай Үкімет басшысының  орынбасары ауыр салмақты және ірі автокөлік құралдарының жүріп өтуіне көліктік бақылауды жүзеге асыру функциясын беру мәселесі Ішкі істер министрлігінде  мүдделі мемлекеттік органдар деңгейінде бірнеше рет қарастырылғанын атап өткен.

«Жалпы аталған функцияларды ІІМ-ге беру адами факторлардың болуын шектей алмайды. Бұл көліктік бақылауды жүргізу тиімділігіне әсер етпейді. Сонымен қатар, аталған функцияларды беру құқық қорғау органдарын тиесілі емес функциялардан босату мәселесі көзделген Қазақстан Республикасы Президентінің 2009 жылғы 24 тамыздағы №858 Жарлығымен бекітілген Қазақстан Республикасының 2010 жылдан 2020 жылға дейінгі кезеңге арналған құқықтық саясат тұжырымдамасы ережесіне қайшы келеді», - деді Жеңіс Қасымбек.

 

 

Автор Марлан Жиембай
Басты сөздер: ҚР ІІМ, Көлік,
Жоғары қарай