Ауа райы
Астана 0 °С
Алматы 5 °С
валюта бағамы
USD 386.30
EUR 428.14
RUB 6.08
CNY 54.87

Атыраулық спортшы Jaýynger чемпиондық белбеуінің иегері болды

2019 жылдың 28 қыркүйек 2019 22:51

АТЫРАУ. ҚазАқпарат - Атыраулық спортшы Әбіл Ғалиев 64 келі салмаққа дейінгі категорияда тайлық қарсыласын жеңіп, Jaýynger чемпиондық белбеуінің және қомақты ақшалай сыйлықтың иегері болды,деп хабарлайды ҚазАқпарат тілшісі.

25-28 қыркүйек аралығында Атырауда «Qazaqstan Jastar Fest» атты спорттық фестиваль өтуде. Төрт күндік фестивальдің ең маңызды оқиғасы - аралас жекпе-жек бойынша «Gorilla Fighting Champioship 17» әлемдік турнирі болды.

Хабиб және Абдулманап Нурмагомедов, Ислам Махачев, Забайра Тухугов, олимпиада чемпиондары Роман Власов, Тагир Хайбуллаев және белгілі қазақстандық спортшылар Максим Раков, Сергей Морозов, Дамир Исмагулов, Шавхат Рахмонов шараға құрметті қонақ ретінде қатысты.




Шарада Атырау облысының әкімі Нұрлан Ноғаев құттықтап, сөз сөйледі.

«Жастар арасында спортты насихаттауда бұндай шаралардың маңызы зор. Сегіз елден ең мықты, үздік спортшылар қатысып отыр. Спортшылармыз ел намысын лайықты қорғап жүр. Жарыста кім мықты – сол жеңеді. Ал, өңірдің тұрғындары мен қонақтары қызықты да тартысты ойындардың куәсі болып отыр. Сіздердің жетістіктеріңіз жастарды спортпен шұғылдануға ынталандырады», - деді өңір басшысы.




Турнирдің қорытындысымен Атыраудың 5 өкілі қарсыластарынан басым түсті. Көрермендер барлығы 10 жекпе-жекті тамашалады, соның ішінде 3-уі муай-тай бойынша. Бұл жекпе-жектердің рейтингісі неғұрлым жоғары болды, себебі спортшылар Jaýynger промоушені бойынша үш чемпиондық белбеуге таласты.




Айта кетейік, Jaýynger-дің негізін Қазақстанның жауынгерлік өнер қауымдастығы қалаған болатын.




Фестиваль Исатай және Махамбет алаңындағы концертпен аяқталады. Шара барысында тұрғындар мен өңірдің қонақтары ұлттық ойындарға қатысты.

Автор Абай Абылайұлы
Басты сөздер: Атырау облысы, Спорт,
Жоғары қарай