Ауа райы
Астана 27 °С
Алматы 23 °С
валюта бағамы
USD 386.82
EUR 428.67
RUB 5.86
CNY 54.95

Атыраудың коммуналдық қызметі жауын-шашын салдарымен күресуде

2019 жылдың 14 шілде 2019 23:46 234

АТЫРАУ. ҚазАқпарат - Қазіргі уақытта қала көшелерінде 19 арнайы техника жұмыс істеуде, деп хабарлайды ҚазАқпарат тілшісі.

Атырауда коммуналдық қызмет көрсетуші мекемелер дамылсыз қызмет көрсетуде. Кәзіргі уақытта қаладағы жауын шашын суларын соруға «Атырау су арнасы» МКК-нің 10 және «АрнаулыАвтобаза» ЖШС-ға қарасты 9 арнайы техникалары жұмылдырылған.

«Бүгін сағат 14:00-17:00 аралығында »Атырау Су арнасы« мекемесі 285 тонна су сорып, жұмыстар әлі де жалғасуда»,- деді қала әкімінің орынбасары Ш. Кейкін.

«АрнаулыАвтоБаза» ЖШС қызметкерлері көмегімен 376 текше метр су сорылған.

Қалалық ТКШ басшысы Қ. Қасымовтың айтуынша, жауын шашын салдарымен күресуге «Каспийдормостострой» ЖШС 3 цистерна камаз көліктерімен қосымша көмектесуде.

«Жауын шашын суын сору күндіз түні жалғасатын болады»,- дейді Қ. Қасымов.

Жоғары қарай