Ауа райы
Астана -12 °С
Алматы 1 °С
валюта бағамы
USD 383.95
EUR 429.26
RUB 6.16
CNY 55.02

Атырауда «Алтын домбыра» халықаралық күйшілер байқауы өтті

2019 жылдың 27 қыркүйек 2019 20:16

АТЫРАУ.ҚазАқпарат- Атырауда композитор, ҚР халық әртісі Әзидолла Есқалиев атындағы байқауға Қазақстан, Ресей, Тәжікстан және Қарақалпақстан елдерінен 19 күйші қатысты, деп хабарлайды ҚазАқпарат тілшісі.

Байқаудың мақсаты – домбыра аспабын кеңінен насихаттап, қазақтың ұлттық өнерін дамыту және жаңадан шығып келе жатқан талантты орындаушыларды анықтау.

Шараға Атырау облысы әкімінің орынбасары Жұмабай Қарағаев қатысып, аймақ басшысы Нұрлан Ноғаевтың атынан құттықтау хатын оқыды. Сондай-ақ, БҚО-дан келген Ғ.Құрманғалиев атындағы филармонияның әртісі Жарас Сатыбалдиевке байқаудың бас жүлдесін табыстады.

Байқау 2 кезең бойынша өтіп, бірінші кезеңде 11 үміткер іріктеліп алынды.

Бірінші орынды Индер аудандық мәдениет үйінің директоры иеленсе, екінші орынды Құрманғазы атындағы Қазақ ұлттық консерваториясының оқытушысы Динара Нұрбаева мен РФ Астрахан облысы мемлекеттік автономиялық мәдени мекемесінің Құрманғазы атындағы өңірлік мәдени орталығының әртісі Ильнур Утепкалиев бөлісті.




Үшінші орынды Алматы қаласы Құрманғазы атындағы Қазақ ұлттық консерваториясының студенттері Назерке Балтабаева мен Тоғжан Кыдырсихова және Талдықорған қаласы «Сазген» фольклорлы-этнографиялық ансамблінің домбырашысы Ботагөз Дүнгенбаева қанжығасына байлады.

Сонымен қатар, байқаудың арнайы жүлдесіне «Д.Нұрпейісова атындағы халықтық музыка академиясы» Атырау музыка колледжінің студенті Ерқанат Қадыр лайық деп танылды.







Жоғары қарай