Ауа райы
Астана 0 °С
Алматы 21 °С
валюта бағамы
USD 389.52
EUR 429.21
RUB 6.07
CNY 54.94

Атырау облыстық білім басқармасының басшысы мен сыбайластары қамауға алынды

2019 жылдың 8 қаңтар 2019 20:59

АТЫРАУ. ҚазАқпарат - Атырауда облыстық білім басқармасының басшысы мен оның сыбайластары тергеу оқшаулағышына қамалды, деп хабарлайды ҚазАқпарат тілшісі.

Атырау облысы бойынша Сыбайлас жемқорлыққа қарсы іс-қимыл ұлттық бюросы департаменті хабарлағандай, соттың шешімімен облыстық білім басқармасының басшысы Қайырғали Кенжеғалиев пен, оның орынбасары Роза Қабдұлованы, сондай-ақ Н.Тілендиев атындағы кіші өнер академиясы жанындағы дарынды балаларға арналған мектеп-интернатының бас есепшісі Назымгүл Мәжітованы екі айға қамауға алу түріндегі бұлтартпау шарасы қолданылып, тергеу оқшаулағышына қамалды. Оларға қатысты ҚР ҚК 189-бабы 4-бөлігі 2-тармағы бойынша сотқа дейінгі тергеу жұмыстары жүріп жатыр.

Еске салайық, Атырау облыстық әкімдігінде білім басқармасының басшысы Қайырғали Кенжеғалиевтің ұсталуына қатысты түсінік берген еді. Таяу уақытта әкімдіктің барлық басқармаларында ішкі аудит жүргізіледі.

Автор:
А. Соколов

Жоғары қарай