Ауа райы
Астана -4 °С
Алматы 3 °С
валюта бағамы
USD 389.98
EUR 434.01
RUB 6.10
CNY 55.04

Атырау автобустарында ерікті бақылаушылар мен құпия ревизорлар жүреді

2019 жылдың 9 қазан 2019 16:40

АТЫРАУ. ҚазАқпарат - Атырау автобустарында ерікті бақылаушылар мен құпия ревизорлар тексеріс жүргізеді, деп хабарлайды ҚазАқпарат тілшісі.

«11 қазаннан бастап қоғамдық көлікте жүрудің дифференцияланған тарифі енгізіледі. Жұмадан бастап Атырау тұрғындары қолма-қол ақшамен 150 теңге, қолма-қол ақшасыз – 80 теңге төлейді. Бұл жолаушы тасымалын мөлдір етіп, көлеңкелі ақша айналымын жоюға септігін тигізеді. Осыған байланысты, «Smart Qala» ЖШС өкілдері волонтер ретінде қоғамдық көлікке жаңа төлем жүйесін сәтті енгізуге көмектеспек», - деп мәлімдеді Атырау қаласының әкімдігі.

Құпия ревизор болып қоғамдық көліктегі төлем жүйесін тексеремін деген тұрғындарға – есік ашық.

«Билетті қалаған кезде тексеруге болады. Тәртіп бұзылған жағдайды суретке немесе видеоға түсіріп алуға болады. Тіпті жолаушылардың билет алуын сырттай бақылап жүре беруге де болады», - дейді «Smart Qala» ЖШС өкілдері.

Бақылаушы боламын дегендерге тиісті куәлік және автобуста тегін жүру құқығы беріледі. Тексеріс жұмыстарының қорытындылары БАҚ және әлеуметтік желіде жарияланып отырады.

Басты сөздер: Атырау облысы, Қоғам, Заң, Көлік,
Жоғары қарай