Ауа райы
Астана 5 °С
Алматы 11 °С
валюта бағамы
USD 389.81
EUR 430.27
RUB 6.06
CNY 54.91

Астанада қыз бен жігіт такси жүргізушілерін алдап соққан

2019 жылдың 12 наурыз 2019 18:56

АСТАНА. ҚазАқпарат - Астана қаласы криминалдық полиция қызметкерлері 23 жастағы жігіт пен 21 жастағы бойжеткенді ұстады. Олар азаматтардың сенгіштігін пайдаланып, алаяқтық жолмен жүргізушілердің ақшасын қалтаға басқан, деп хабарлайды ҚазАқпарат Астана ПД баспасөз қызметіне сілтеме жасап.

Күдіктілер интернет арқылы азық-түлік немесе гүл жеткізіп беру үшін такси жалдап, жүргізушілерден баланс толтыруын немесе электрондық әмияндарына ақша жіберуін сұраған. Жүргізушілер ақшаны қайтарамыз деген уәделеріне сеніп, сұраған сомасын аударған. Олар шақырылған жерге барғанда ғана алданғанын түсінген.

Қазіргі уақытта ҚР ҚК 190-бабы бойынша («Алаяқтық») сотқа дейінгі тергеу жұмыстары жүріп жатыр. Жалпы залал сомасы анықталуда. Күдіктілер Астана ПД уақытша ұстау оқшаулағышына қамалды.

Анықталғандай, ұсталғандар бұрын да осындай қылмысы үшін жауапқа тартылған. Қазіргі таңда полицияға 10-нан астам алданған тұрғын шағымданған. Олардың саны одан да көп болуы мүмкін. Зардап шегушілер мына мекенжайға келуіне болады: Бейбітшілік, 19. Немесе 8-(7172)-71-62-91, 71-63-35, 71-60-10, 8-777-722-88-55 телефон нөмірлеріне хабарласу керек.

Басты сөздер: Нұр-Сұлтан, Оқиға,
Жоғары қарай