Ауа райы
Нұр-Сұлтан 10 °С
Алматы 11 °С
валюта бағамы
USD 378.01
EUR 420.88
RUB 5.84
CNY 54.64

Астанада дау тудырған баннердің авторы ұсталды

2018 жылдың 23 шілде 2018 19:03 168

АСТАНА. ҚазАқпарат - Астана полицейлері «Arman Deluxe» элиталы ТК қоршауында шу тудырған баннерді орнатқан қала тұрғынын ұстады, деп хабарлайды ҚазАқпарат тілшісі Астана ІІД баспасөз қызметіне сілтеме жасап.

Баннердегі жазба мынадай: «Біз өзімізді жоғары класс деп есептегендіктен, қоршаумен қоршап алдық. Қаздар доңыздарға көрші емес».

Осы баннердің видеосы Фейсбук әлеуметтік желісінде жарияланды. Ролик авторларының айтуынша, оқиға былай өрбіген: тұрғын үй кешенінің алдына жаяу жүргіншілердің жолын жапқан ұзын темір қоршау орнатылған. Қарама-қарсы орналасқан жатақхана тұрғындары кішкене  қақпа жасауларын өтінген. Бірақ, олардың өтініштерін ешкім орындамаған.

Оған жауап ретінде көрші үйдің тұрғыны қоршауға осы жазбаны орнатқан.

«Елордалық полицейлер ҚР ҚК 174-бабы бойынша сотқа дейінгі тергеуді бастады. Бұдан бөлек, полицейлер жедел іс-шаралар жүргізу кезінде баннерді түсіріп, таратқан жергілікті тұрғын анықталды. Оған қатысты тергеу жүріп жатыр, оның нәтижесінде процессуалдық шешім қабылданады», - делінген хабарламада.  

 

Басты сөздер: Нұр-Сұлтан, Оқиға,
Жоғары қарай