Ауа райы
Астана 20 °С
Алматы 17 °С
валюта бағамы
USD 411.54
EUR 458.13
RUB 5.84
CNY 57.64

Даниал Ахметов азық-түліктің қымбаттауына жол берген аудан әкімін сынға алды

2020 жылдың 19 ақпан 2020 17:29

ӨСКЕМЕН. ҚазАқпарат – Шығыс Қазақстан облысының басшысы Даниал Ахметов азық-түлік бағасының қымбаттауына жол берген Шемонаиха ауданының әкімін сынға алды, деп хабарлайды ҚазАқпарат.

«Қазірде өңірімізде азық-түлік тауарларының бағасы біршама қымбаттағаны рас. Әкімдік 19 түрлі тауардың бағасын қадағалауға құқылы. Осы орайда тиісті шаралар атқарылуда. Алайда Шемонаиха ауданында кей азық-түліктің құны Өскемен мен Семей қалаларына қарағанда жоғары екені анықталған. Бұған тікелей аудан әкімі жауапты. Бүгінде осы олқылықтың орны толтырылған», - деді аймақ басшысы тұрғындар алдындағы есеп беру кездесуінде.

Оның айтуынша, жеміс-жидек пен көкөністің бағасы тұрғындардың қалтасына салмақ түсірмес үшін тұрақтандыру қорлары жұмыс істеуде. Биылғы қысқа 6000 тоннаға жуық картоп, сәбіз, пияз және қырыққабат сатып алынған.

Сондай-ақ апта сайын ауыл шаруашылығы жәрмеңкелері ұйымдастырылып тұрады.


Жоғары қарай