Ауа райы
Астана 3 °С
Алматы 8 °С
валюта бағамы
USD 447.60
EUR 489.41
RUB 5.71
CNY 63.05

Елордада биыл 12 мектеп пайдалануға беріледі

2020 жылдың 24 қаңтар 2020 12:08

НҰР-СҰЛТАН. ҚазАқпарат – Елорда әкімі Алтай Көлгіновтың айтуынша, қазіргі таңда елорда меткептерінде 185 мың бала оқиды, деп хабарлайды ҚазАқпарат тілшісі.

«Көктемде 9 мың бала мектепті аяқтаса, қыркүйек айында 22 мың бала бірінші сыныпқа келді. Ал 14 мектептегі оқушылар шамадан артық болып отыр. Бұл мәселелерді шешу мақсатында 2019 жылы бес мың орынға 6 мектеп салынды. Осы арқылы үш ауысымда оқитын үш мектептің мәселесі шешілді. Биыл 10 мың орынға арналған 12 мектептің құрылысын аяқтауды және 12 мың орындық 8 нысанның құрылысын бастауды жоспарлап отырмыз», - деді Алтай Көлгінов Үкіметтің кеңейтілген отырысында.

Қала әкімінің айтуынша, аталған 8 үш ауысымды мектеп мәселесі толығымен шешіледі.

«Сонымен қатар, жеке инвесторлар есебінен мектептерді салу жағы қарастырылды. 24 мектептің құрылысы жөніндегі инвестициялық жобалар қолдау тапты», - деді ол.

Оның айтуынша, қалада инклюзивті білім беретін сыныптары бар мектептердің саны бүгінгі таңда 64-ке жеткен.


Жоғары қарай