Ауа райы
Астана -5 °С
Алматы -5 °С
валюта бағамы
USD 377.09
EUR 407.37
RUB 5.93
CNY 53.95

Елордада өтетін сенбілікте 5 мыңға жуық ағаш отырғызылады

2019 жылдың 11 қазан 2019 18:37

НҰР-СҰЛТАН. ҚазАқпарат - Экологиялық айлық аясында 12 қазанда Нұр-Сұлтанда Бүкіләлемдік жасыл желек отырғызу күніне арналған республикалық ағаш отырғызу акциясы өтеді, деп хабарлайды ҚазАқпарат елорда әкімдігінің ресми сайтына сілтеме жасап.

Жаппай ағаш отырғызу акциясына Парламент депутаттары, Президент әкімшілігінің, Экология, геология және табиғи ресурстар министрлігінің, Нұр-Сұлтан қаласы әкімдігінің, аудан әкімдіктері, «Нұр Отан» партиясы мен басқармалардың қызметкерлері және экологиялық ұйымдардың өкілдері қатысады.

Акцияға 2600 адам үлес қосып, олардың көмегімен қалада 4 667 жасыл желек отырғызылады.
Акция ұйымдастырушыларының айтуынша, компенсациялық ағаш отырғызу шеңберінде 505 тал ағаш егіледі. Атап айтқанда, Алматы ауданында - 427 түп ағаш, Байқоңыр ауданында - 1 170 түп, Есіл ауданында - 1 465 түп және Сарыарқа ауданында 100 түп ағаш егіледі.
Басты сөздер: Нұр-Сұлтан, Экология,
Жоғары қарай