Ауа райы
Астана -24 °С
Алматы -9 °С
валюта бағамы
USD 383.95
EUR 429.26
RUB 6.16
CNY 55.02

Қаржы министрлігі Астана LRT-ның қаржылық есептеріне қатыспаған

2019 жылдың 11 қазан 2019 12:56

НҰР-СҰЛТАН. ҚазАқпарат – ҚР Қаржы министрлігі LRT жобасы бойынша экономикалық негіздемені бекіткен жоқ. Бұл туралы бірінші қаржы вице-министрі Берік Шолпанқұлов мәлім етті, деп хабарлайды ҚазАқпарат тілшісі.

«LRT бойынша Қаржы министрлігі экономикалық негіздемені бекіткен жоқ. Заңнама талаптарына сәйкес, LRT-ны әкімшінің өзі бекітеді», - деді Б. Шолпанқұлов Парламент Сенатында тілшілер сауалына жауап бере отырып.

Оның атап өтуінше, Қаржы министрлігі жобаның қаржылық есеп-қисаптарына қатыспаған.

Еске салсақ, Президент LRT құрылысын жеделдетуді және оған қатысты істі тергеуді тапсырды.

Бұған дейін LRT-ның құрылысы уақытша тоқтатылғаны туралы хабарлаған болатынбыз.

Оған қатысты Үкімет басшысы Асқар Мамин пікір білдірді.

Сонымен қатар жақында ҚР Сыбайлас жемқорлыққа қарсы іс-қимыл агенттігі «Астана LRT» ісі бойынша бірқатар жалған кәсіпорын тергеліп жатқанын мәлім етті.

Жоғары қарай