Ауа райы
Астана -2 °С
Алматы -1 °С
валюта бағамы
USD 384.97
EUR 427.12
RUB 6.04
CNY 54.75

Атыраудағы перзентхана қызметкерлері Президенттен көмек сұрады

2019 жылдың 11 қазан 2019 09:36

АТЫРАУ. ҚазАқпарат – Атырау перинаталдық орталығының жұмыстан босау туралы өтініш жазған қызметкерлері Президентке хат жолдады, деп хабарлайды ҚазАқпарат тілшісі.

«Сыбайлас жемқорлыққа қарсы іс-қимыл агенттігі іс сотқа жетпей жатып БАҚ-та ақпарат таратты. Сол арқылы олар перинаталды орталықтың дәрігерлерін қылмыскерге теңеді. Дәрігерлер мен халық арасындағы жағдай шиеленісе түсті. Біз әріптестерімізді ақтамаймыз, олардың кінәсін тиісті органдар анықтайды. Бізді алаңдатқан жағдай – тексеру аяқталмай жатып адамдардың дәрігерлерді талқыға салып, бәрімізді қылмыскерге санағаны. Мұндай жағдайда өз міндетімізді толыққанды атқара алмаймыз, сондықтан жұмыстан кетуге мәжбүрміз», - делінген хатта.

Еске салайық, өткен аптада Сыбайлас жемқорлыққа қарсы қызмет жаңа туған сәбидің өліміне, сондай-ақ, жемқорлық қылмыстар бойынша күдікті Атырау облыстық перзентханасының бас дәрігеріне қатысты істің мән-жайын баяндады.

Сенбі күні Атырау облысына ҚР Денсаулық сақтау вице-министрі бастаған республикалық денсаулық сақтау ұйымдарының мамандары келді. Олар облыстық перинаталдық орталықтың дәрігерлеріне көмек көрсетеді.

Ал дүйсенбіде перинаталдық орталықтың 31 қызметкері жұмыстан кету туралы өтініш жазғаны белгілі болды.

Жоғары қарай