Ауа райы
Астана -5 °С
Алматы -7 °С
валюта бағамы
USD 377.09
EUR 407.37
RUB 5.93
CNY 53.95

Қызылордада 220 отбасы баспаналы болды

2019 жылдың 2 қазан 2019 18:21

ҚЫЗЫЛОРДА. ҚазАқпарат – Қызылордада қала күніне орай бірнеше нысан пайдалануға берілді, деп хабарлайды ҚазАқпарат.

Жаңа нысандардың ашылуына облыс әкімі қатысып, қала тұрғындарын құттықтады. Олар 320 орынға арналған «Ханшайым ана» балабақшасымен, жалпы саны 220 пәтерді құрайтын сол жағалауындағы жаңа қалада орналасқан 4 көпқабатты тұрғын үй.




Тыл және ауған соғысының ардагері мен ата анасының қамқорлығынсыз қалған жастар және 2- топ мүгедектеріне пәтер кілті табысталды. Соңғы жылдары қаламызда 15 жаңа шағын аудан бой көтеріп, 7 мыңнан астам қызылордалық баспаналы болды. Сонымен қатар, осы жылы тұрмысы төмен көпбалалы отбасыларды тұрғын үймен қамтамасыз ету үшін «Баламекен» жобасы аясында Болат Өтемұратовтың жеке қорының демеушілік қолдауымен 100 отбасы тұрғын үймен қамтылғанын білесіздер.

Сондай-ақ, бүгінде Сырдарияның сол жағалауында 50 пәтерлік 25 тұрғын үйдің құрылысы жүргізілуде.

Қаржыландырудың барлық көздері есебінен есепті мерзімде жалпы ауданы 179 мың 868 шаршы метр тұрғын үй пайдалануға берілді. Бұл көрсеткіш өткен жылмен салыстырғанда бірнеше есеге артқан.

Дәл осы күні пайдалануға берілген жаңа балабақша мемлекеттік жекешелік әріптестік аясында бой көтерген. 3 қабаттан тұратын ғимараттың жалпы ауданы 6640 шаршы метр. Құны 874,6 млн теңге. Заманауи үлгіде салынған балабақша 16 топқа арналған, әр топта 20 баладан тәрбиеленеді. Аймақ басшысы өз сөзінде «Өскелең ұрпаққа салынған инвестиция -болашағымыздың жарқын болуының кепілі».Бұл мақсатта мемлекеттік-жекешелік әріптестік бағдарламасы үлкен рөл атқаруда. Қазіргі таңда облыстағы жекеменшік балабақшалардың үлесі 72 пайызды құрайтындығын атап өтті.




Жоғары қарай