Ауа райы
Астана 3 °С
Алматы 15 °С
валюта бағамы
USD 386.70
EUR 427.15
RUB 6.06
CNY 54.57

Жамбылдық құрылысшылар Арыстағы 300 үйді пайдалануға берді

2019 жылдың 13 тамыз 2019 22:15

ТАРАЗ. ҚазАқпарат –Жамбылдық құрылысшылар Арыс қаласындағы 300 үйді жөндеп, пайдалануға беріп үлгерді, деп хабарлайды ҚазАқпарат тілшісі.

Айта кетейік, Арыс қаласының аумағы 17 секторға бөлінген болса, Жамбыл облысына 3-ші сектордағы 11 көшеде орналасқан 312 жеке тұрғын үйлерді қалпына келтіру жұмыстары жүктелген.




Бүгінде облысқа тиесілі бөліністегі орналасқан 312 жеке тұрғын үйдің 2-уі қайта соғылып жатыр. Қалған 310 тұрғын үйдің 300-інде жөндеу жұмыстары аяқталып, 12 тұрғын үй бойынша қалпына келтіру шаралары атқарылуда.




3-ші сектор бойынша Жамбыл облысынан 4 құрылыс компаниясы, 10 технадзор оның 5-уі Түркістан облысы әкімдігі тарапынан және 500-ге жуық құрылысшы, 20 техника жұмылдырылған.

Сондай-ақ, облыстық білім басқармасының мәліметінше, бұған дейін Арыс қаласының 423 баласы Жамбылдағы жазғы сауықтыру лагерлерінде демалған. Қазіргі таңда арыстық 25 бала жазғы демалыстарын өңір лагерінде қызықты өткеруде.













Автор Ғибрат Сембай
Басты сөздер: Жамбыл облысы, Арыс,
Жоғары қарай