Ауа райы
Астана 12 °С
Алматы 20 °С
валюта бағамы
USD 386.70
EUR 427.15
RUB 6.06
CNY 54.57

Ұшақ салоны түтінге көміліп, шұғыл қонуға мәжбүр болды

2019 жылдың 6 тамыз 2019 18:03

НҰР-СҰЛТАН. ҚазАқпарат – British Airways британдық компаниясы әуе кемесінің салонынан қатты түтін шығып, шұғыл түрде Испанияның Валенсия қаласына қонуға мәжбүр болды, деп хабарлайды ҚазАқпарат euronews.com сайтына сілтеме жасап.

Лондонның Хитроу әуежайынан шыққан А321 лайнері шұғыл қонғаннан кейін 200 жолаушы үрмелі апаттық басқыштың көмегімен эвакуацияланды.

Куәгерлердің айтуынша, ұшақтың салонын шамамен 10 минуттай түтіннің иісі алып тұрған, алайда жолаушыларға оттегімен демалу маскасы ұсынылмаған.

Mirror британдық басылымының алдын ала ақпаратына сәйкес, оқиға салдарынан кем дегенде 20 адам зардап шеккен, кем дегенде үш адам ауруханаға жеткізілді. Жеңіл жарақаттанған жолаушыларға әуежайда қажетті көмек көрсетілді.




Түтіннің шығу себептері әзірге белгісіз.


Басты сөздер: Әлем, Оқиға,
Жоғары қарай