Ауа райы
Астана -8 °С
Алматы -1 °С
валюта бағамы
USD 385.55
EUR 426.57
RUB 6.05
CNY 54.77

Көкшетауда «бір терезе» қағидасымен жұмыс істейтін полиция фронт-кеңсесі ашылды

2019 жылдың 13 маусым 2019 15:53

КӨКШЕТАУ. ҚазАқпарат - Көкшетау қаласында ХҚО қағидасы бойынша жұмыс істейтін полицияның фронт-кеңсесі ашылды, деп хабарлайды ҚазАқпарат тілшісі Ақмола облыстық ПД баспасөз қызметіне сілтеме жасап.

Полиция департаменті мен көкшетаулық полиция басқармасының ғимаратында ХҚО қағидасы бойынша жұмыс істейтін фронт-кеңсенің ашылу рәсімі өтті.

Ақмола облыстық полиция департаментінің басшысы, полиция генерал-майоры Берік Биляловтың айтуынша, тұрғындармен жұмыс істеуде жаңа форматты енгізу азаматтардың құқық қорғау органдарына деген сенімін нығайтып, өтініш қабылдау кезінде әкімшілік кедергілерді жоюға мүміндік береді.


«Фронт-кеңсе облыстық департамент пен Көкшетау қалалық басқарманың ғимаратында орналасқан. Қабылдау бөлмесінде алдын ала бекітілген кесте бойынша прокурор және полиция қызметкері азаматтардың өтініш-арыздарын қабылдайды», - дейді ведомстводан.

Бұл - облысымызда бірінші рет ашылып отырған фронт-кеңсе. Мұнда тұрғындарды қабылдау үшін барлық жағдай жасалған. Нысанда азаматтардың арыз-шағымдарын қабылдайтын арнайы бөлмелер мен арнайы төлем жасай терминалдар да бар. Тегін Wi-Fi интернет желісі, «Адалдық дүкені» жұмыс істейді. Алдағы уақытта облыстың басқа қалалары мен аудандарында да азаматтарға арналған осындай фронт-кеңсе ашу жоспарда бар.

Автор Аслан Оспанов
Басты сөздер: Ақмола облысы,
Жоғары қарай