Ауа райы
Нұр-Сұлтан 20 °С
Алматы 24 °С
валюта бағамы
USD 382.38
EUR 428.30
RUB 5.97
CNY 55.39

Қостанайда зейнеткерді өлтіріп кеткен күдіктілер ұсталды

2019 жылдың 22 наурыз 2019 02:05 728

ҚОСТАНАЙ. ҚазАқпарат - Қостанай облысының полиция қызметкерлері Меңдіқара ауданында зейнеткерге қарақшылық шабуыл жасағандарды ұстады, деп хабарлайды ҚазАқпарат.

Меңдіқара аудандық полиция бөліміне ер адамның зорлық-зомбылықпен өлтірілгені туралы хабарлама түскен.  

«14 наурызда 72 жастағы зейнеткердің пәтеріне екі белгісіз азамат баса көктеп кіріп, жәбірленушіге дене жарақатын салған, азық-түлік, ұялы телефон және ақшасын ұрлап кеткен. Дене жарақаты салдарынан зейнеткер оқиға орнында көз жұмды», - делінген облыстық Полиция департаменті таратқан хабарламада.

Тергеу іс-шараларын жүргізу барысында полиция қызметкерлері Қостанай ауданының аумағында жасырынған екі күдіктіні ұстады. Сот күдіктілерді күзетпен ұстау түріндегі бұлтартпау шарасын санкциялады.

 

 

Жоғары қарай