Ауа райы
Астана -4 °С
Алматы 10 °С
валюта бағамы
USD 389.98
EUR 434.01
RUB 6.10
CNY 55.04

Нұрсұлтан Назарбаевтың қандай мәртебелері сақталады

2019 жылдың 19 наурыз 2019 20:14

АСТАНА. ҚазАқпарат - Нұрсұлтан Назарбаев республикалық телеарналар арқылы Қазақстан халқына арналған мәлімдемесінде президенттік өкілеттік тоқтаған соң, қандай мәртебелерінің сақталатынын мәлімдеді, деп хабарлайды ҚазАқпарат тілшісі.

«Өздеріңіз білесіздер, заңдарымызға сәйкес мен Тұңғыш Президент - Елбасы (Ұлт көшбасшысы) мәртебесіне ие болдым. Елеулі өкілеттігі бар Қауіпсіздік Кеңесінің Төрағасы ретінде қызмет ете беремін. «Нұр Отан» партиясының Төрағасы, Конституциялық Кеңестің мүшесімін. Яғни өздеріңізбен бірге боламын. Еліміздің, халқымыздың қамы - менің мүддем болып қала береді», - деді Нұрсұлтан Назарбаев.

Сонымен бірге, Тұңғыш Президент тәуелсіз Қазақстан мемлекетінің негізін қалаушы ретіндегі басшылардың жаңа буынының билікке келуін қамтамасыз етуді өз міндеті деп атады.

Еске сала кетсек, бүгін Нұрсұлтан Назарбаев ҚР Президенті ретіндегі өкілеттігін тоқтататынын мәлімдеді.

Жоғары қарай