Ауа райы
Астана 10 °С
Алматы 20 °С
валюта бағамы
USD 389.59
EUR 429.06
RUB 6.05
CNY 55.07

Павлодарда өрттен 2 сіңлісін құтқарған жасөспірім марапатталды

2019 жылдың 23 ақпан 2019 12:12

АСТАНА. ҚазАқпарат - Павлодарда екі сіңілісін өрттен құтқарып қалған № 39 орта мектебінің 8 сынып оқушысы Ангелина Завьялова марапатталды, деп хабарлайды pavlodarnews.kz.

Облыстық ТЖ департаменті бастығының міндетін атқарушы, полковник Самат Асайынов басшылық пен жеке құрамның атынан Ангелинаға батыл іс-әрекеттері үшін алғыс білдірді.

Ер жүрек қыздың сынып жетекшісі Людмила Кутнова Ангелина сыныптың ең үздік оқушыларының бірі, өте жауапты екенін атап өтті.

«Мен бұл іс-әрекетке таң қалған жоқпын, өйткені мектепте ТЖ қызметкерлері балаларды әртүрлі төтенше жағдайларда өзін қалай ұстау керектігін үйреткен. Біздің мектептің әрбір оқушысы осындай батыл іс-әрекетке қабілетті», - дейді педагог.


null

Ангелинаның анасы Наталья Завьялованың айтуынша, 21 ақпанда Ангелина Завьялова мектептегі сабақтан кейін атасының үйіне келген. Оқушы демалып жатып қалған кезде кенеттен қорқып қалған сіңілілері оятқан.

«Үйде түтін мен өрттің иісі сезілген. Ол ас үйде атасын іздеген, бірақ таба алмаған соң үйде жоқ деп ойлаған. Бір бөлменің терезесінен Ангелина кіретін есіктің жанып жатқанын көрген. Сол кезде дереу үйдегі киіммен терезе арқылы сыртқа шығып, кейін сіңілісін алып шыққан. Осы уақытта қыздарды көріп қалған көрші көмекке келіп, оларды үйіне алып барған», - дейді Наталья Завьялова.

Ардагерлер кеңесінің төрайымы Хакима Асқарова ТЖ департаментінің басшылығына Ангелинаны жоғары марапатқа ұсынды.

Еске сала кетейік, Павлодарда жасөспірім қыз өртенген үйден сіңлілерін терезеден алып шыққаны туралы бұған дейін хабарлаған болатынбыз.

Фото: Облыстық ТЖД-нің баспасөз қызметі

Жоғары қарай