Ауа райы
Астана -17 °С
Алматы -9 °С
валюта бағамы
USD 385.01
EUR 425.78
RUB 6.05
CNY 54.68

Алматыдағы Медеу аудандық сотының судьясы пара алғаны үшін сотталды

2019 жылдың 8 қараша 2019 18:10

АЛМАТЫ. ҚазАқпарат - Алматы қаласының Медеу аудандық сотының судьясы пара алғаны үшін сотталды, деп хабарлайды ҚазАқпарат.

Алматы қаласының Сыбайлас жемқорлыққа қарсы қызметі Алматы қаласы Медеу аудандық сотының судьясы Әбілқайыр мен сол соттың хатшысы Рақышовқа қатысты сотқа дейінгі тергеуді аяқтады.

«Әбілқайыр жер телімінің шекарасын анықтауға байланысты азаматтық іс бойынша оң шешім қабылдау үшін делдал Рақышов арқылы алдын ала келісілген 10 мың АҚШ долларынан 3 мың АҚШ долларын пара ретінде алды деген күдікке ілінді. Бұл фактіні сыбайлас жемқорлыққа қарсы қызмет пен Жоғарғы соттың ішкі қауіпсіздік және сыбайлас жемқорлықтың алдын алу бөлімі бірге анықтады» делінген хабарламада.

8 қараша да Алматы қаласы Медеу ауданының №2 сотының үкімімен Әбілқайырға 45 млн 459 600 теңге көлеміндегі айыппұл салынды.

Осы үкіммен Рақышовқа 2 жылға бас бостандығынан айыру жазасы тағайындалды.

Аталған азаматтар мемлекеттік қызметте лауазым атқару құқығынан өмір бойына айырылды.

Жоғары қарай