Ауа райы
Астана -19 °С
Алматы -2 °С
валюта бағамы
USD 383.95
EUR 429.26
RUB 6.16
CNY 55.02

Алматыда журналистер аллеясы ашылды

2019 жылдың 10 тамыз 2019 04:05

АЛМАТЫ. ҚазАқпарат - Алматыдағы «Атакент» саябағында журналистер алма ағаштарын отырғызды. Қала орталығындағы бұл жерге күн сайын 10 мыңға жуық тұрғын келіп, демалады, деп хабарлайды Хабар24kz.

Олардың әрқайсысына бір ағаштан келеді. Алайда қарқынды өсіп келе жатқан мегаполис үшін көк желектің көп болғаны жақсы. Жергілікті «Достар клубының» белсенділері қатысушыларға тал егуге қажетті құралдар таратып, ағаштың төлқұжатын тапсырды. Әр ағашқа оны отырғызған журналистің аты-жөні жазылған тақтайша бекітілді. Журналистер аллеясына бүгін жалпы саны 70 ағаш егілді.

«Неге журналистерді таңдадық? Себебі Алматыда журналистер аллеясы жоқ. Бұл аумақта жеке күзет жұмыс істейді. Сондықтан ағаштар үшін алаңдаудың қажеті жоқ. Суаруды қазіргі сәнге сай ұйымдастыруды жөн көрдік. «Өз ағашыңды суар» деген ұранмен әр журналистке, телеарнаға әлеуметтік желі арқылы эстафета жолдаймыз» ,-дейді қоғамдық бірлестік президенті
Бауыржан Баякешов.

Басты сөздер: Экология, Алматы,
Жоғары қарай