Ауа райы
Астана 9 °С
Алматы 30 °С
валюта бағамы
USD 399.51
EUR 447.33
RUB 5.78
CNY 56.10

Алматыда көгершіндер неден өлгені анықталып жатыр

2020 жылдың 25 наурыз 2020 23:30

НҰР-СҰЛТАН. ҚазАқпарат – Алматыда көгершіндердің неден қырылғаны анықталып жатыр. Бұл туралы Экология, геология және табиғи ресурстар министрлігіне қарасты Орман шаруашылығы және жануарлар дүниесі комитетінің баспасөз хатшысы Сәкен Ділдахмет мәлім етті, деп хабарлайды ҚазАқпарат тілшісі.

«Бүгін бізге Алматыдағы 28 гвардияшыл-панфиловшылар саябағында жансыз жатқан әрі әлсіреп құлаған көгершіндерге қатысты фото мен видео материалдар келіп түсті. Оқиғаның мән-жайын анықтау үшін Алматы облысы бойынша орман шаруашылығы және жануарлар дүниесі инспекциясының мамандары жауапты мемлекеттік органдармен бірлесіп, көгершіндерді тексеру үшін лабороториялық зерттеу жүргізгелі жатыр», - деп жазды Сәкен Ділдахмет Facebook-тегі парақшасында.

Комитет өкілі құстардың қырылу себебі зерттеуден кейін ғана жарияланатынын мәлім етті.

Айта кетсек әлеуметтік желіге тараған өлі құстарға қатысты әртүрлі болжам айтылып жатыр. Кейбір қолданушы көгершіндердің өлімін қалада жүргізілген дезинфекциялық жұмыстармен байланыстыруда.

Автор Аян Бекенұлы
Басты сөздер: Экология, Алматы,
Жоғары қарай