Ауа райы
Астана 17 °С
Алматы 27 °С
валюта бағамы
USD 384.06
EUR 429.19
RUB 6.08
CNY 55.83

Алматыда бір отбасының 7 адамы иісті газдан уланып қалды

2019 жылдың 22 ақпан 2019 12:07 1132

АЛМАТЫ. ҚазАқпарат - Алматының Наурызбай ауданында бір отбасының 7 адамы иісті газдан уланып, ауруханаға түсті, деп хабарлайды ҚазАқпарат тілшісі.

Оқыс оқиға Наурызбай ауданы Шұғыла шағынауданындағы жеке үйлердің бірінде болған.

«ТЖД өкілдері келгенде иісті газдың пештен шығып жатқанын анықтады. Пештің есігін үлкендер жақсылап бекітуді ұмытқан. Мұның алдында  бұл отбасыға ТЖД өкілдері келіп, жылыту маусымындағы қауіпсіздік туралы түсіндіру  жұмыстарын жүргізген», - деді қалалық ТЖД баспасөз қызметінен.

Қалалық қоғамдық денсаулық басқармасының хабарлауынша, ауруханаға отбасының 7 мүшесі бірдей түскен. Оның 5-еуі - балалар.

«Қазір барлығы дезинтоксикациялық терапия қабылдап жатыр. Ақыл-естері дұрыс, сұрақтарға дұрыс жауап беріп жатыр. Жақында барлығы ауруханадан шығады», - деді дәрігерлер.

ТЖД мәліметінше, қыс басталғалы бері ТЖД қызметкерлері 145 жеке үйді аралап шыққан. 10 мың адамға қауіпсіздік ережесі туралы айтылды.

Сонымен қатар, ТЖД қызметкерлері бір күндік жалақысын 100 иісті газды анықтайтын құрылғы сатып алуға аударды. Бұл құрылғылар тұрмысы төмен отбасылардың үйлеріне орнатылады.

 

 

 

Жоғары қарай