Ауа райы
Астана 22 °С
Алматы 15 °С
валюта бағамы
USD 386.82
EUR 428.67
RUB 5.86
CNY 54.95

Алматыда баласын құтқару үшін ана отқа оранған үйге кіріп кеткен

2019 жылдың 14 тамыз 2019 15:00 402

АЛМАТЫ. ҚазАқпарат - Алматыда «Мерседес» көлігіндегі мас жүргізуші газ құбырын соғып, салдарынан бір үй өртке оранды, деп хабарлайды ҚазАқпарат тілшісі Алматы ПД баспасөз қызметіне сілтеме жасап.

Оқиға кеше түнде Бостандық ауданының аумағында орын алды. «Мерседес» көлігіндегі мас жүргізуші газ құбырын соққан. Табиғи газдың ағуы салдарынан, тұрғын үй өртенді. Оттың ортасында қалған 11 жасар қызды және екі ер адамды полиция қызметкерлері құтқарды.

«Жолда алдымыздан бір әйел жүгіріп шығып, бүкіл отбасы үйдің ішінде қалғанын айтты, ол қатты қорқып кеткен. Өзі өртеніп жатқан үйге кіруге ұмтылды. Менің әріптесім, полиция сержанты Алмаз Әсетпен бірге үй иелерін табу үшін қызыл жалының ішінен іздеу туралы шешім қабылданды. Бақытымызға орай, жалын негізгі құрылымға жете алмады, бірақ өрт осы үйдің ауласындағы басқа ғимараттарды толығымен шарпыған.11 жастағы қызды және тағы екі ер адамды құтқарып үлгердік. Олардың өміріне қауіп төніп тұрған жоқ. Өрт сөндіру бригадасы отты толықтай сөндірді», - дейді патрульдік полиция инспекторы Бауыржан Жексембиев.

Өз кезегінде, полицейлер баласының амандығы үшін отқа түсуге әзір болған әйелдің ерлігін айтты.

«Аналық махаббат – бұл ұлы сезім. Әйел қауіп-қатерге қарамастан, баласын құтқаруға дайын болды және бізге көп көмектесті», - деді аға сержант Жексембиев.

Автор Алма Мұқанова
Басты сөздер: Алматы, Оқиға, ҚР ІІМ,
Жоғары қарай