Ауа райы
Астана 7 °С
Алматы 12 °С
валюта бағамы
USD 389.94
EUR 433.50
RUB 6.10
CNY 55.13

Алматыда 83 көлік тонаушы ұсталды

2019 жылдың 6 сәуір 2019 14:37

АЛМАТЫ. ҚазАқпарат - Алматылық тәртіп сақшылары автокөліктердің қосалқы бөлшектері сатылатын қала базарларында жедел-алдын алу шараларын жүргізді, деп хабарлайды ҚазАқпарат тілшісі.

«Соңғы жарты жылда 49 мақсаттық жедел-алдын алу шаралары өткізілді. Нәтижесінде қылмыс жасағаны үшін күдікті ретінде 4 мыңнан астам адам ұсталды, басқа біреудің мүлкін ұрлаумен айналысатын 118 топтың қылмыстық қызметі тоқтатылды. Бөгде автокөліктерден мүлік ұрлаған 403 адамның 37-і айна ұрлағаны үшін ұсталды, оның 7-еуі бұрын сотталған, ұрланған тауарларды сатып алған16 адам сотталды. Үстіміздегі жылдың 3 айында ұрланған мүлік сату орындарында 51 айна, 7 автомагнитофон, 14 тұманға қарсы шам тәркіленді. Автокөліктерден бөтеннің мүлкін ұрлағаны үшін 83 адам ұсталды, оның 30-дан астамы айна ұрлаумен айналысқан», - деп хабарлады Алматы ПД басшысы, генерал-майор Серік Күдебаев.

Полиция мәліметінше, 1-5 сәуір аралығында өткізілген жедел-алдын алу шаралары барысында «Carcity» аумағында автокөліктің қосалқы бөлшектерін сатумен айналысатын 30 ТБО, 403 бутик тексерілді.




Автор: Данияр Дауталиев

Басты сөздер: Қылмыспен күрес, Алматы, Оқиға,
Жоғары қарай